მენეჯმენტი
შოთა ბერეკაშვილი
მმართველი პარტნიორი
შოთა ბერეკაშვილი 2017 წლიდან სამშენებლო ინდუსტრიაში წამყვან პოზიციებს იკავებს. 2009-2017 წლებში იყო სამშენებლო კომპანია ბიქეი კაპიტალის დამფუძნებელი და აღმასრულებელი დირექტორი. 2003-2009 წლებში მუშაობდა ბიქეი კაპიტალის აღმასრულებელ დირექტორად მოსკოვში, 1999 წლიდან 2003 წლამდე მუშაობდა საინვესტიციო საბანკო სექტორში ნიუ-იორკსა და ლონდონში. 1999 წელს მიიღო მეცნიერების ბაკალავრის ხარისხი კოლუმბიის უნივერსიტეტში, ნიუ-იორკში. 2002 წელს დაამთავრა კასის ბიზნესის სკოლა ლონდონში და მიიღო მაგისტრის ხარისხი კორპორატიულ ფინანსებსა და რისკების მენეჯმენტში.
ირაკლი ბურდილაძე
მმართველი პარტნიორი
ირაკლი ბურდილაძეს განათლება მიღებული აქვს თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტზე, მაგისტრის ხარისხი კი მიიღო ჯონს ჰოპკინსის (ვაშინგტონი, აშშ) უნივერსიტეტში საერთაშორისო ეკონომიკისა და საერთაშორისო ურთერთობების მიმართულებით. ირაკლი 2000-2006 წლებში იყო ჯი-ემ-თი ჯგუფის ფინანსური დირექტორი. 2006–2013 წლებში კი იკავებდა საქართველოს ბანკის ფინანსური დირექტორის და გენერალური დირექტორის მოადგილის პოზიციებს, ხოლო 2013 წლიდან 2021 წლამდე ხელმძღვანელობდა მ2 უძრავი ქონების კომპანიას (შემდგომში საქართველოს უძრავი ქონების კომპანია). 2021 წლიდან ბიქეი ჰოლდინგის თანადამფუძნებელი და მმართველი პარტნიორია.
შორენა დარჩიაშვილი
აღმასრულებელი დირექტორი
შორენა დარჩიაშვილი 2013 წლიდან წამყვან პოზიციებს იკავებს მარკეტინგისა და გაყიდვების მიმართულებით. 2010-2013 წლებში მუშაობდა საქართველოს ბანკში, ბრენდის მენეჯმენტის დეპარტამენტის უფროსის პოზიციაზე. აქვს უძრავი ქონების სხვადასხვა კომპანიასთან თანამშრომლობის მრავალწლიანი გამოცდილება. დაამთავრა მარკეტინგისა და საერთაშორისო ბიზნესის ფაკულტეტი მოსბახში, გერმანიაში და მიიღო ბაკალავრის ხარისხი ევროპის მენეჯმენტის სკოლაში.
გიორგი ნატროშვილი
ფინანსური დირექტორი
გიორგი ნატროშვილი იკავებდა ფინანსური დირექტორის პოზიციას უძრავი ქონების სექტორში, იყო გენერალური დირექტორის მოადგილე ფინანსებისა და ოპერაციების მიმართულებით. მუშაობდა ტელეკომუნიკაციების სექტორში და იყო ფინანსური გეგმარების, რეპორტინგისა და ბიზნესის კონტროლის დეპარტამენტის უფროსი. აქვს თბილისის თავისუფალი უნივერსიტეტის ბაკალავრის ხარისხი ბიზნესის ადმინისტრირებაში, 2016 წელს მიიღო CFA დიპლომი.